Uncategorized

የአሐዱ ጋዜጠኞች በቀረበባቸው ክስ ላይ መቃወሚያ አቀረቡ፡

ሰኔ 12/2011 ዓ.ም

የአሐዱ ጋዜጠኞች በቀረበባቸው ክስ ላይ ባለ 3 ነጥብ መቃወሚያ በጠበቃቸው አማካኝነት አቀረቡ፡፡

የሰንዳፋ በኬ ከተማ ፖሊስ ጽ/ቤት በአሐዱ ጋዜጠኞች ጥበቡ በለጠ፣ ሊዲያ አበበ፣ ሱራፌል ዘላለም እና ታምራት አበራ ላይ ክስ መመስረቱ ይታወቃል፡፡

በዛሬው እለት ፍርድ ቤት የቀረቡት ጋዜጠኞቹ በጠበቃቸው አማካኝነት ባለ 3 ነጥብ መቃወሚያ ለፍርድ ቤቱ አቅርበዋል፡፡

በዚህም መሠረት የመጀመሪያው መቃወሚያ የፌዴራል ፍርድ ቤቶች ማቋቋሚያ አዋጅ ቁጥር 25/85 ላይ ተከራካሪ ወገኖች የፌዴራል ተቋማት ከሆኑ ወይም አንዱ ተከራካሪ በፌዴራል ስር ተመዝግቦ የሚገኝ ከሆነ ጉዳዩን ሊታይ የሚችለው በፌዴራል ፍርድ ቤት ነው ይላል፡፡

በሁለተኛው መቃወሚያ የቀረበው ክስ 3 በመሆኑ የቀረበው ክስ የበኬ ወረዳ ፍርድ ቤትን ስም ማጥፋት በሚል ሲሆን ጉዳዩን እየተከታተለው ያለው ፍርድ ቤት ነው ስሜ ጠፋ ያለው፡፡
በዚህ ምክንያት ጉዳዩ በፍርድ ቤቱ መታየቱ በህገ-መንግሥቱ የተሰጠውን አንቀፅ 37 በነፃ ተዳኝቶ ፍትህ የማግኘት መብትን ይፃረራል፡፡

3ኛው መቃወሚያ በወንጀል ህግ አንቀፅ 47 መሠረት በመገናኛ ብዙሃን ውስጥ የሚሰሩ ጋዜጠኞች ተግባራቸውን በሚያከናውኑበት ጊዜ እንደዚህ አይነት ጉይዮች ሊፈጠሩ ይችላሉ ተብሎ ስለሚገመት በሚያከናውኑት ተግባራቸው ልክ ተጠያቂ የሚሆኑበት የህግ ማዕቀፍ ያለ ሲሆን ያለመከሰስ መብታችንን በመጠቀም ፍርድ ቤቱ ክሱን ዘግቶ እንዲያሰናብተን ሲሉ ጠበቃው ለፍርድ ቤቱ የመቃወሚያ ክሳቸውን አቅርበዋል፡፡

ፍርድ ቤቱም ለመቃወሚያ ክሱ ዐቃቤ ሕጉን መልስ ስጥ ቢለውም ዐቃቤ ሕግ ጉዳዩን ተመልክቼ መልሱን እንድሰጥ ጊዜ ያስፈልገኛል በማለቱ የዛሬ ሳምንት ሰኔ 19 ቀን 2011 ዓ.ም 4፡30 ላይ ፍርድ ቤቱ ቀጠሮ መሰጠቱን ጠበቃው አቶ አበባው አበበ ነግረውናል፡፡

Categories: Uncategorized

1 reply »

Leave a Reply

This site uses Akismet to reduce spam. Learn how your comment data is processed.