ሐረር እንደገና ነደደች|DW AMHARIC

ሐረር ከተማ መብራት ኃይል ተብሎ በሚጠራዉ አካባቢ የሚገኘዉ የገበያ ማዕከል በእሳት ጋየ። ዛሬ ጠዋት አንድ ሰዓት ተኩል ግድም የተነሳዉ ቃጠሎ ከ200 የሚደርሱ የተለያዩ የንግድ መደብሮችን አዉድሟል። መደብሮቹ በአብዛኛዉ የኤሌክትሮኒክስ፣ የልብስ፣የቤት ቁሳቁሶችና የምግብ ሸቀጠሸቀጦች መገበያያ ነበሩ።ቃጠሎዉ በሰዉ ሕይወት እና አካል ላይ ያደረሰዉ ጉዳት የለም።ቃጠሎዉ እንደተሰማ ወደ ሐረር የተጓዘዉ የድሬዳዋዉ ወኪላችን መሳይ ተክሉ እንደዘገበዉ እሳቱን ለማጥፋት የሐረሪ መስተዳድር የእሳት አደጋ መከላከያ፣ የመከላከያ የምሥራቅ ዕዝ የዉኃ ማመላለሻ ቦቴዎች፤የሐሪሪ ፖሊስ፤የፌደራል መከላከያ ባልደረቦች እና የሐረር ከተማ ነዋሪዎች ሲረባረቡ ነዉ ያረፈዱት። እሳቱ ከቀኑ አራት ሰዓት ግድም ሙሉ በሙሉ ጠፍቷል። መብራት ኃይል ተብሎ በሚጠራዉ አካባቢ የሚገኘዉ የገበያ ማዕከል ቃጠሎ ሲደርስበት ያሁኑ ሁለተኛዉ ነዉ። ነዋሪዎች እንደሚሉት በ2007 እዚሁ ሥፍራ የተነሳ ቃጠሎ በርካታ መደብሮችን አዉድሞ ነበር። የገበያ ማዕከሉ ሸዋበር ከሚባለዉ አካባቢ ወደ መብራት ኃይል በጊዚያዊነት የዞረዉ በ2002 ሸዋ በር ላይ በደረሰበት ቃጠሎ ምክንያት ነበር። ይሕ ማለት ማዕከሉ በእሳት ሲጋይ ያሁኑ ሰወስተኛዉ ነዉ።የዛሬዉ ቃጠሎ መነሻም ሆነ በንብረት ላይ ያደረሰዉ ጉዳት ትክክለኛ መጠን በዉል አልታወቀም።ፖሊስ ጉዳዩን እያጣራ መሆኑን አስታዉቋል

Published by

Abrham Yohannes

Abrham Yohannes Hailu Licensed Lawyer & Consultant

Leave a Reply

This site uses Akismet to reduce spam. Learn how your comment data is processed.