የሐዋሳ ከተማ ፖሊስ መምሪያ ምክትል ሀላፊ ኮማንደር እዮብ አቢቶ ለኢትዮ ኤፍ ኤም እንዳሉት የኮሮና ቫይረስ ወረሽኝ በማረሚያ ቤቶች ሊያደርስ የሚችለውን አደጋ ለመቀነስ ሲባል በይቅርታ ከማረሚያ ቤት በይቅርታ እንዲወጡ ተደርገው ነበር።

ይሁንና ከነዚህ ውስጥ በይቅርታ ተፈተው ከነበሩት ወስጥ የተወሰኑት በከተማዋ አንዳንድ አካባቢዎች ላይ የስርቆት ተግባር ሲፈጽሙ መገኘታቸውን ገልጸዋል፡፡

የወቅቱን ሁኔታ እንደምቹ አጋጣሚ ለመጠቀም የመሞከር አዝማሚያ መታየቱንም ኮማንደር እዮብ አንስተዋል፡፡

ይሁን እንጂ ፖሊስ መምሪያው ከወቅታዊው ስራ ጎን ለጎን መደበኛ ህግ የማስከበር ስራውን ከወትሮው በተለየ ሁኔታ ግዳጁን እየተወጣ መሆንን ነግረውናል፡፡

በተለያዩ ሸቀጦች ላይ ህጋዊ ያልሆነ የዋጋ ጭማሪ አድርገው የተገኙ ነጋዴዎችም በህግ አግባብ እየተጠየቁ መሆኑን አንስተዋል አቶ እዮብ፡፡

በከተማዋ የትራንስፖርት አገልግሉት በሚኒባስ ስድስት ፤በሞተር ሳይክል አንድ ፤በባለ ሶስት እግር ባጃጅ ሁለት እንዲሁም በዳማስ ታክሲ አራት ተሳፋሪ ብቻ እንዲሆን መደረጉንና የህግ አስከባሪዎችም ይህንን እየተከታተሉ መሆኑን ነግረውናል፡፡

ይህ ብቻ አይደለም ተሸከርካሪዎቹ ጽዱ መሆናቸውንና መስኮቱቹም ክፍት መሆናቸውን ይቆጣጠራሉ ነው ያሉት አቶ እዮብ፡፡

የደቡብ ክልል የኮሮና ወረርሽኝን ለመከታተል የህዝብ ትራንስፖርት አገልግሎቶችን ሙሉ ለሙሉ ማቋረጡ የሚታወስ ነው፡፡

ምንጭ: ኢትዮ-ኤፍኤም

በያይኔአበባ ሻምበል
መጋቢት 28 ቀን 2012 ዓ.ም

By Abrham Yohannes

Abrham Yohannes Hailu Licensed Lawyer & Consultant

Leave a Reply

This site uses Akismet to reduce spam. Learn how your comment data is processed.