በደቡብ ክልል አራት ሰዎች በቢጫ ወባ ህይወታቸው አለፈ

በደቡብ ክልል አራት ሰዎች በቢጫ ወባ ህይወታቸው አለፈ።

በደቡብ ክልል በጉራጌ ዞን አንድ ወረዳ የቢጫ ወባ ተከስቶ አራት ሰዎች መሞታቸውን ኢትዮ ኤፍ ኤም ከደቡብ ክልል ህብረተሰብ ጤና አንስቲትዩት አረጋግጧል፡፡

የአንስቲትዩቱ ዳይሬክተር አቶ ማሙሽ ሁሴን እንዳሉት የቢጫ ወባ በዞኑ መከሰቱን ተናግረው አሁን አስፈላጊውን ክትባት በመስጠታችን ህሙማኑን ማዳን ችለናል ብለውናል፡፡

የቢጫ ወባ ክትባት በኢትዮጵያ ህብረተሰብ ጤና ኢንስቲትዩት እጅ ያለ በመሆኑ ክትባቱ እኛ ዘንድ እስኪደርስ ድረስ በዚህ የቢጫ ወባ አራት ሰዎችን አጥተናል ብለዋል።

የኢትዮጲያ ህብረተሰብ ጤና ኢንስቲትዩት አሁን በኮሮና ቫይረስ ወረርሽኝ ጠንካራ ስራ ላይ በመጠመዱ ምክንያት ክትባቱን ለማግኘት ትንሽ ቆይተናል ነው የሚሉት አቶ ማሙሽ፡፡

አሁን ግን ከፍተኛ የጤና ባለሙያዎችን ስፍራው ድረስ ልከን ክትትል አድረገውና ክትባት ሰጥተው ስርጭቱን አቁመናል፣ታመው የነበሩትም አገግመዋል ሲሉ ነግረውናል፡፡

ይህ የቢጫ ወባ ክትባትን ክልሎች እንዲይዙት አይፈቀድም ሲሉም አክለዋል፡፡

በያይኔአበባ ሻምበል
ሚያዝያ 14 ቀን 2012 ዓ.ም

Leave a Reply

This site uses Akismet to reduce spam. Learn how your comment data is processed.