COVID_19

በጋምቤላ ክልል የኮሮና ቫይረስ ወረርሽኝን ለመከላከል ለ81 ታራሚዎች ይቅርታ አደረገ

 

በጋምቤላ ክልል የኮሮና ቫይረስ ወረርሽኝን ለመቆጣጠርና ሊያደርስ የሚችለውን አደጋ ለመቀነስ ለ81 ታራሚዎች ይቅርታ ማድረጉን የክልሉ ጠቅላይ አቃቤ ህግ አስታወቀ፡፡

 

ይቅርታ የተደረገላቸው በቀላል ወንጀል እስከ ሶስት ዓመት ተፈርዶባቸው ያሉና በማረሚያ ቤት ቆይታቸው በአመክሮ እስከ አንድ ዓመት የቀራቸው መሆናቸውም ተመልክቷል፡፡

 

የክልሉ ጠቅላይ አቃቤ ህግ አቶ አኳይ ኡቡቲ እንዳሉት የይቅርታ መስፈርቱን የሚያሟሉ በቀላል ወንጀል እስከ ሶስት ዓመት የተፈረደባቸውና በአግባቡ የታረሙ ጋምቤላ ከተማን ጨምሮ ከ3ቱ ማረሚያ ቤቶች 81 የሚደርሱ ታራሚዎች ይቅርታ ተደርጎላቸዋል፡፡

 

በግድያ ወንጀልና በአስገድዶ መድፈር የተከሰሱ ታራሚዎች በይቅርታው እንዳልተካተቱ ገልፀዋል፡፡

 

የኮሮና ቫይረስ ወረርሽኝ የሚያስከትለውን ጉዳት በመገንዘብ በይቅርታ ከተፈቱት 81 ታራሚዎች በተጨማሪ በጊዜ ቀጠሮ ማረሚያ ቤት ያሉ 88 ግለሰቦች በዋስ እንዲለቀቁ መደረጉንም አብራርተዋል፡፡

 

ይቅርታ የተደረገላቸውና በዋስ የተለቀቁት ግለሰቦች በሌላ ወንጀል የሚሳተፉ ከሆነ ይቅርታቸው ተሰርዞ በህግ የሚጠየቁበት አግባብ መኖሩንም አመልክተዋል፡፡

 

እነዚህ የህብረተሰብ ክፍሎች የኮሮና ቫይረስን ለመከላከል በሚደረገው ጥረት ውስጥ የድርሻቸውን ሊወጡ እንደሚገባ ያሳሰቡት አቶ አኳይ ከህብረተሰቡ ጋር በሚቀላቀሉበት ጊዜም መልካም ስነምግባር ሊያሳዩ እንደሚገባ አሳስበዋል፡፡

 

ምንጭ፡- የጋምቤላ ክልል ፕሬስ ሴክሬታሪያት ጽ/ቤት

Categories: COVID_19

Tagged as: , ,

Leave a Reply

This site uses Akismet to reduce spam. Learn how your comment data is processed.