ምንጭ: ሸገር ኤፍ ኤም

ኢትዮ ቴሌኮም ለ2 ወር የሚቆይ ዘወትር ከማለዳው 12:00 ሰዓት እስከ ቀኑ 10:00 ድረስ ከፍተኛ ቅናሽ የተደረገባቸውን የጥቅል አገልግሎት መጀመሩ ተሰማ፡፡

ኢትዮ ቴሌኮም ከነገ ጀምሮ ለ2 ወር የሚቆይ በቤትዎ ይቆዩ የሞባይል ጥቅል አገልግሎት እንደሚጀምር እወቁልኝ ብሏል፡፡

መስሪያ ቤቱ ዛሬ የኮሮና ቫይረስ ወረርሽኝ ለመከላከል ያግዛል ያለውን 1 መቶ ሚሊየን ብር ድጋፍ ማድረጉን ለብሔራዊ ድጋፍ አሰባሳቢ ኮሚቴ ገቢ ማድረጉን ተናግሯል፡፡

ወሬውን የሰማነው የኢትዮ ቴሌኮም ዋና ስራ አስፈፃሚ ፍሬሕይወት ታምሩ ለጋዜጠኞች መግለጫ በሰጡበት ጊዜ ነው፡፡

ጠቅላይ ሚኒስትር ዐቢይ አህመድ ያደረጉትን አገር አቀፍ ብሔራዊ የድጋፍ ጥሪ ተከትሎም ኢትዮ ቴሌኮም በ444 በሚያስተላልፈው መልዕክት አማካይነት ከ3 ሚሊዮን 700 ሺ ብር በላይ ሰብስቤአለው ብሏል፡፡

በውጪ የሚኖሩ ኢትዮጵያውያንም ኢትዮ ሬሚትን በመጠቀም ከ676 ሺ ብር በላይ ገቢ አድርጓል ተብሏል።

ኢትዮ ቴሌኮም ከነገ ጀምሮ ወደ አገልግሎት በሚገባው በቤትዎ ይቆዩ ጥቅል አገልግሎት በሞባይል ለድምፅ በ5 ብር 30 ደቂቃ የአገር ውስጥ የስልክ ጥሪ እንዲሁም 20 ነፃ አጭር የፅሁፍ መልዕክት መጠቀም ይችላሉ ብሏል፡፡

በቤትዋ ይቆዩ የሞባይል ኢንተርኔት በ5 ብር 100 ሜጋ ባይት ኢንተርኔት እንዲሁም 20 ነፃ የሀገር ውስጥ አጭር የፅሁፍ መልዕክት።

በ 10 ብር 250 ሜጋ ባይት እና 20 ነፃ አጭር ፅሁፍ የሀገር ውስጥ መልዕክት።

በ 15 ብር 300 ሜጋ ባይት ኢንተርኔት እንዲሁም 30 ደቂቃ የሀገር ውስጥ ድምፅ ጥሪ ከ20 አጭር የጽሁፍ መልዕክት ጋር መሆኑ ተነግሯል።

ተህቦ ንጉሴ

#ShegerWerewoch #COVID19Ethiopia #Ethiopia #EthioTelecom

By Abrham Yohannes

Abrham Yohannes Hailu Licensed Lawyer & Consultant

Leave a Reply

This site uses Akismet to reduce spam. Learn how your comment data is processed.