tax law

ከ 1 ሚሊዮን 9 መቶ ሺ(1,900,000) በላይ ብር እንዲሁም የአሜሪካ ዶላርና የኤርትራ ናቅፋ በቁጥጥር ስር ዋለ

ምንጭ #sheger_fm

 

ከ 1 ሚሊዮን 9 መቶ ሺ(1,900,000) በላይ ብር እንዲሁም የአሜሪካ ዶላርና የኤርትራ ናቅፋ በቁጥጥር ስር መያዙን የአዲስ አበባ ፖሊስ ኮሚሽን ተናግሯል፡፡

ነዋዩ የተያዙ በህገ ወጥ መንገድ የሃዋላ አገልግሎት ሲሰጡ ከነበሩ ሰዎች ነው ተብሏል።

የንፋስ ስልክ ላፍቶ ክፍለ ከተማ ፖሊስ መምሪያ ከአዲስ አበባ ፖሊስ ኮሚሽን ኢንተለጀንስ ጋር በመቀናጀት ይህንን ስራ አከናውኗል።

የንፋስ ስልክ ላፍቶ ክፍለ ከተማ ፖሊስ መምሪያ በክፍለ ከተማው ወረዳ 12 ላፍቶ መስቀለኛ ተብሎ በሚጠራው አካባቢ ከግለሰብ በተከራዩት መኖሪያ ቤት ውስጥ ህገ-ወጥ የሃዋላ አገልግሎት እና የውጭ ሀገራት ገንዘቦችን ምንዛሪ ሲሰጡ የነበሩ 3 ተጠርጣሪዎችን እንደያዘ ኮሚሽኑ ጨምሮ ተናግሯል።

ፖሊስ ኮሚሽኑ ሰዎቹ በተከራዩት ቤት ውስጥ በተደረገ ብርበራ 1 ሚሊዮን 919ሺ 5 መቶ(919,500) የኢትዮጵያ ብር፣ 5,573 የአሜሪካ ዶላር እና 6 ሺ 12(6012) የኤርትራ ናቅፋ እንዳገኘ ተመልክተናል። ምርመራው እየተጣራ እንደሆነም ከአዲስ አበባ ፖሊስ ኮሚሽን የመረጃ መረብ ተመልክተናል፡፡

ተህቦ ንጉሴ

#ShegerWerewoch #AddisAbeba #Ethiopia

Leave a Reply

This site uses Akismet to reduce spam. Learn how your comment data is processed.