Health

በደቡብ ክልል የኮሌራ ወረርሽኝ ዳግም ማገርሸቱን የክልሉ መንግስት አስታወቀ

በደቡብ ክልል ባሉ ሶስት ዞኖች የኮሌራ ወረሽኝ ዳግም እንዳገረሸ ኢትዮ ኤፍ ኤም ሰምቷል፡፡

በክልሉ የጤናና ጤና ነክ ድንገተኛ አደጋዎች ቅኝት ዋና የስራ ሂደት አቶ እንዳሻው ሽብሩ ለጣቢያችን እንዳሉት በደቡብ ኦሞ፤በጋሞ ፤እንዲሁም በጎፋ ዞኖች ላይ ነው የኮሌራ ወረሽኝ የተከሰተው ፡፡

ይህንን ወረሽኝ ከኮሮና ወረሽኝ ጋር ተዳምሮ አቅም እንዳያሳጣና በአስቸኳይ ለመቆጣጠር 14 ቡድኖች የያዘ 56 ከፍተኛ የጤና ባለሙያዎች ወደ ስፍራው መላካቸው ተገልጽል።

በክልሉ ባሉ 7 ልዩ ወረዳዎች እና 18 ዞኖች ከበቂ ቁሳቁስና ገንዘብ ጋር ልከናል ይላሉ፡፡

አቶ እንዳሻው ጨምረው እንዳሉት የኮሮና ቫይረስ ወረርሽኝ ላይ በልዩነት መስራት ተገቢ ቢሆንም ሌሎችን ግን መዘንጋት ኃላ ዋጋ ያስከፍላል ብለዋል፡፡

እና ይህ የኮሌራ ወረርሽኝ ወደ አጓራባች ዞኖችና ክልሎች እንዳይሻገር ጥብቅ ማስጠንቀቂያ አስተላልፈናል ፡ሁሉም በየደረጃው የሚገኙ የስራ ሀላፊዎችም ይህንን ሊከታተሉ ይገባል ሲሉም አሳስበዋል፡፡

የንጹህ መጠጥ ውሃ ችግር ያለባቸውን ዞኖችና ልዩ ወረዳዎች ልዩ ድጋፍ እንደሚሹ የተናገሩት አቶ እንዳሻው ህበረተሰቡም ለንጸህናው ትኩረት እንዲሰጥም የግንዛቤ ማስጨበጥ ስራ እየሰሩ መሆኑን ተናግረዋል።

በያይኔአበባ ሻምበል
ሚያዝያ 5 ቀን 2012 ዓ.ም

Leave a Reply

This site uses Akismet to reduce spam. Learn how your comment data is processed.